RIKT STHAN KI POORTI KAREIN

Nirmalta ka tum pratyaksha udaharan,
Sundarta hoti tumse paribhashit!
Dekhkar apni is anokhi kriti ko,
Khud Bramha bhi ho raha chakit!!!

Osh ki boond se paawan ho tum,
Masoom si tumhari har muskaan hai!
Adbhut, adwitiya tumhara charitra,
Soch tumhari mahan hai!!!

Dekhkar ashrupurit nayan tumhare,
Hridaya karta chitkaar hai!
Jo na rok paaoon wo ashrudhara,
to swayam pe dhikkar hai!!!

Thak jao agar jeevan mein,
Adhoore reh jaayein agar sapney!
Us waqt bhi jo naam loge hamara,
Paoge sang humein apne!!!

Na rona kabhi tum, sada hanste rehna,
Tum ho to humara viswas hai!
Gaurvanvit hokar kehta hoon,
________ humare paas hai!!!